Добредојдовте на веб - страницата на Управата за водење на матичните книги , каде што можете да добиете информации за сите промени кои ќе се случуваат во врска со матичното работење.
На нашата веб - страница се наоѓаат корисни информации во врска со законската и подзаконската регулатива поврзана со матичното работење.

Искрено се надеваме дека на оваа страница ќе најдете информации кои ќе ви помогнат во вашата секојдневна работа.

Вашите коментари и предлози можeтe да ги праќате по е-пошта на адреса: contact@uvmk.gov.mk

Почитувани граѓани, согласно измените на Законот за семејство во член 26, каде е регулирано склучувањето на бракот, Управата за водење на матичните книги овозможува склучување на брак и надвор од службените простории на Управата.

Скопје 31 Декември 2010


Почитувани граѓани,
Ве известуваме дека согласно измените и дополнувањата на Закон за административни такси (Службен Весник на РМ бр. 145/10) кој започна да се применува од 01.01.2011 година, aдминистративните такси се плаќаат во готови пари на соодветна уплатна сметка во рамките на трезорската сметка за општината, за општините во градот Скопје и за градот Скопје на чие подрачје е извршената наплата, како и преку мобилни оператори или преку интернет.

Скопје 27 Декември 2010


Почитувани,
Надлежна институција за издавање на изводи и уверенија од матичната евиденција за граѓаните на Република Македонија е Управата за водење на матичните книги - Министерство за правда.
Со цел усогласување на Законот за матична евиденција и Законот за територијална организација на локланата самоуправа на Република Македонија, Управата за водење на матичните книги од 01.01.2011 година определува 178 матични подрачја.

Почитувани граѓани,

Ве известуваме дека согласно Измените и дополнувањата на Законот за матична евиденција (Службен Весник на РМ број 98/08) од 1.01.2010 година отпочна со работа Управа за водење на матичните книги, како орган во состав на Министерството за правда, со својство на правно лице.

Матичните книги се основна евиденција во која се бележат сите промени во личниот статус на граѓаните, од раѓањето до смртта. Матичното работење опфаќа водење на постапки за упис во матичните книги на родени, венчани и умрени, постапки за склучување на бракови, издавање на изводи, уверенија и преписи од матичните книги, составување смртовници и други активности поврзани со регулирањето и евидентирањето на личниот статус на граѓаните.

Скопје, 07 Октомври 2009

Управата за водење на матичните книги од денеска се пресели во нови простории, што се наоѓаат на приземјето на објектот “Нова Македонија” на бул.”Мито ХаџиВасилев Јасмин бб”.

Скопје, 2 Октомври 2009

Скопје, 24 Јули 2009

На 23 - 24 Јули 2009 год. беше одржана Тркалезна маса (Хотел Белведере Охрид) чија тема на состанокот беше Социјално вклучување и пристап до човекови права на Роми, Ашкалии и Египќани во Западен Балкан. На оваа Тркалезна маса наш претставник од Управата за водење на матичните книги имаше презентација во врска со Трансферот на надлежноста на водењето на матичните книги од МВР во Министерството за Правда.

Скопје, 11 Јуни 2009

На ден 11 Јуни 2009 година е донесен Меморандум за соработка за координирање на работите и надлежностите поврзани со граѓанските состојби, матичното работење и државјанството. Меморандумот беше склучен помеѓу Управата за водење на матичните книги и Министерството за внатрешни работи.